Eksitoso apertura Hayat Cosmetics and Kids


Eksitoso apertura Hayat Cosmetics and Kids

Djasabra di 29 di yüli tabatin apertura di e empresa Hayat Cosmetics and Kids na Sta. Maria.
Den e establesementu aki bo por haña tur artikulo di kosmetika di markanan renombrá internashonal i tambe lokal pa hende hòmber i tambe hende muhe.
Ademas no a lubida riba nos chikitunan paso na Hayat Cosmetics and Kids bo por haña tur kos pa bébi i mucha mas grandi.

Propetario di Hayat Cosmetics and Kids ta sra. Hanna Maarouf Robles ku tin hopi aña di eksperensia den e mundu di kosmetika i awor a disidí pa dal e siguiente paso den su karera profeshonal ku su mesun empresa di kosmetika i tambe artikulo pa mucha.
Sra. Hanna Maarouf Robles ku ta di desendensia Arabe a skohé pa e nòmber Hayat ku ta nifiká bida na e idioma Arabe. Komo ku e mes a lanta den e bario di Sta. Maria semper e tabatin un vishon pa duna un aporte bèk na su bario. Ku apertura di Hayat Cosmetics and Kids, Hanna ta kere ku esaki lo duna e área di Sta. Maria un bida nobo ku un ‘cosmetic store’ ku ta ofresé produkto lokal i internashonal di kalidat haltu na bon preis.
Ademas sra. Hanna kier a yama danki na tur esnan ku a yuda pa hasi su soño bira realidat i speshalmente na Curaçao Pharmacal Company B.V.
Ku esaki no solamente área di Sta. Maria lo haña un ‘boost’ pero di e forma aki ta tambe ta sigui hasi esfuersonan pa yuda kontribuí na kresementu di ekonomia di Kòrsou.
Ta invitá henter pueblo di Kòrsou i sigur habitantenan di Sta. Maria i besindario pa pasa tira un bista na Hayat Cosmetics and Kids, Winston Churchillweg 122 unit 4 (pega ku Burger King na Sta. Maria).

Advertisements