‘ GOBIERNO DI AVP A LARGA DISTRICTO DI NOORD NA CAYA MIENTRAS CU PARLAMENTO NO A DEFENDE INTERES DI PUEBLO DI NOORD TAMPOCO !!’


BENNY NISBET(PPA):
‘ GOBIERNO DI AVP A LARGA DISTRICTO DI NOORD NA CAYA MIENTRAS CU PARLAMENTO NO A DEFENDE INTERES DI PUEBLO DI NOORD TAMPOCO !!’
Ni infrastructura…Ni scolnan..Ni necesidad di un cas pa nos grandinan ..No a ricibi atencion!’ ‘
INFRASTRUCTURA:
PPA ta sigui cu mas informacion relaciona cu nos ponencia cu districto di Noord NO a ricibi atencion pa su infra-structura di gobernacion di AVP. Informacion cu ta jega PPA ta indica cu gobierno di AVP a inverti solamente den un 3 o 4 bario den e asina jama ‘binnenwegen’ cu ta ensera e.o. Esmeralda, Safir, Opal y na Casnan di pueblo cu a ricibi e.o. asphalt, bermen, trottoir y verkeersplateau’s.
Sinembargo e careteranan principal na Noord a bai hopi atras nan NO a ricibi e mantenimento necesario PPA kier mustra e.o. cu:
• Bubalia bai abau te dilanti casnan na /riba L.G.Smith Boulevard.
• Caminda principal di Ponton bin Noord y Tanki Flip por worde considera ‘total loss’.
• X- Rio Grandi bai Noord, Bar Hulandes 080 bai Noord cu ta Turibansa…. den masha mal situacion.
• Dilanti Highrise hotels e infra-structura ta den decadencia formal.
Algun otro caminda a worde ‘gelapi’ pero lo NO tin fondo pa e careteranan principal mientras cu un 1.5 billion florin cu ta 1500 million florin ta worde inverti den ‘green corridor y Watty Vos boulevard’.
NO TIN ATENCION PA SCOLNAN NA NOORD !!
Scolnan den districto di Noord ta den masha mal situacion mes….no a ricibi e mantencion necesario cu lo mester por spera di gobierno Eman (AVP) y esaki durante di e ocho anja di AVP pero tambe bao di e ultimo ocho anja di MEP.
Na mes momento PPA ta sinti necesidad di mustra riba e mocion di PPA di 15 di maart 2004 cu a pasa parlamento Unanimente y lamentablemente NO a worde ejecuta NI pa MEP durante di 5 anja y NI pa AVP durante di 8 anja !!
E projecto cu MEP a prepara den ejecucion di e mocion di parlamento NO tabata conforme e mocion di Parlamento ! E mocion di Parlamento a aproba pa Noord hanja un complex grandi di un MAVO-HAVO-y VWO combina cu un gymnastiek zalen project grandisimo. Gobernacion di MEP a prepara un projecto y a larga fondo atras pa un projecto HAVO/VWO sin e gymzalenproject!! Cu otro palabra NO tabata den e maneho di MEP pa ejecuta e MAVO NI e gymzalenproject ! Cu AVP lamentablemente tampoco.
Ta intencion di PPA si pueblo duna nos e confianza pa regresa den parlamento y enventualmente den gobierno pa e totalidad di e mocion di PPA fecha 15 di maart 2004 worde ejecuta cual ta ensera un projecto MAVO-HAVO-VWO y un gymzalenproject destina pa worde usa pa TUR scol na Noord eventualmente.
ATENCION PA NOS GRANDINAN! NO A EJECUTA E CAS PA NOS GRANDINAN PA DISTRICTO DI NOORD/STA CRUZ !!
Despues cu fraccion di PPA di e periodo di 2001 pa 2005 a presenta un mocion pa un cas di anciano na San Nicolas basa riba e principio di ‘the right of privacy/e derecho di privacidad’ di nos grandinan cual a tarda un 5 anja prome cu el a worde ejecuta, fraccion di PPA a presenta un otro mocion na 2005 den parlamento di Aruba cu a propone pa construi e mesun tipo di cas pa nos grandinan na tanto districto di Noord y districto di Sta Cruz. Ta hopi notable cu despues cu PPA no a regresa den parlamento durante un 12 anja largo NI gobierno Ni parlamento NO a dedica atencion na e projecto di nos grandinan pa e districtonan menciona. Esaki mientras cu tabata un hecho conoci cu nos tin un ‘vergrijzingsproblematiek’ serio y cu kada anja ta bin officialmente mas grandi acerca !!
PPA bek den parlamento y gobierno lo ejecuta e mocion aki debidamente. Tanto districto di Noord como Sta Cruz lo hanja nan ‘cas pa nos grandinan’ basa riba e derecho riba privacidad di kada ciudadano grandi. Mientras cu e infrastructura mester ricibi e atencion debido y esaki ta conta pa e scolnan na Noord igualmente bao di un gobernacion den cual PPA ta participa eventualmente. Y PPA ta ripiti …si den nos pais tin un districto cu tin e derecho di ta nos ‘districto di Cultura’ esey ta e districto di Noord ! y PPA hunto cu pueblo di Noord lo por prepara un programa con nos lo duna contenido na esaki. Por lo pronto programa di PPA ta menciona construccion di un Centro di Arte na Noord y un Museum..pero mas idea semper ta bonbini.

Aruba, 31 di juli 2017 Lider Politico di PPA
BENNY NISBET

Advertisements