KOMUNIKADO DI KUERPO POLISIAL KÒRSOU Detenshon di un sospechoso.


KOMUNIKADO DI KUERPO POLISIAL KÒRSOU
287 / 2017
31 yüli 2017
Detenshon di un sospechoso.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 30 di yüli 2017 alrededor di 02.25 or di mardugá, Sentral di Polis a dirigí unidatnan polisial na un kas na Kaya Minguelito Senior, despues di a risibí yamada ku na e momento ei tin un hòmber a drenta kurá di e kas. Despues ku habitante di e kas a ordená e hòmber aki pa vários okashon pa e bandoná e kurá di e kas, e hòmber a purba di ataká e habitante ku tabata den kompania di su bisiña. Mesora nan a drenta den kas, kaminda ku e sospechoso a bira agresivo i tabata ranka na tantu porta i bentana di e kas. E unidat polisial ku a yega na e sitio, na momento ku e hòmber a mira e agentenan el a kore bai na pia. Despues di un persiguishon tantu na outo i na pia e sospechoso a sigui kore. Na momentu ku un di e agentenan a los un tiru di atvertensia e hòmber sospechoso aki no a duna oido i a sigui kore i a trompeká i a keda detené. Na momento di su detenshon el a kuminsá bringa i risistí e aresto. Ku man duru a logra di detené e sospechoso G.Ph.S nasé na Kòrsou di 33 aña di edat.
A presentá e sospechoso dilanti di un Fiskal Ouksiliar ku a ordená su enkarselamentu pa mas investigashon.

Advertisements