Pronóstiko di tempu pa Kòrsou i bisindario bálido te djárason mainta 6:00 o.l., 2 di ougùstùs 2017.


Pronóstiko

Pronóstiko di tempu pa Kòrsou i bisindario bálido te djárason mainta 6:00 o.l., 2 di ougùstùs 2017.
Kompilá: djamars 1 di ougùstùs 2017, 05:00 o.l. (09:00 UTC).

Tempu: Por lo general parsialmente nublá ku chèns pa algu di áwaseru.
Temperatura máksimo lo alkansá 33 ºC i temperatura mínimo 27 ºC.
Solo ta sali 06:23 i ta baha 19:01 o.l.
Bientu: For di direkshon ost i moderá; forsa 3 te 4 (12 te 30 km/ora, 7 te 16 nudo). Prinsipalmente den áwaseru, ráfaga basta fuerte te posiblemente fuerte; forsa 5 te 6 (31 te 50 km/ora, 17 te 27 nudo).
Situashon general: Ola tropikal ta sali for di nos área awe mainta, pero e ambiente atmosfériko ta kontinuá mariginalmente faborabel pa desaroyo di nubia kapas pa produsí áwaseru. Den un otro aspekto, e fluho di bientu ta mengua un poko i bira mas suak pa awe i tambe mayan djárason. Durante e di dos mitar di e siman aki, gradualmente e forsa di bientu lo oumentá un bes mas.
Kondishon di laman: Trankil te moderá ku altura di olanan entre 0.5 i 1.5 meter (2 pa 4 pia). De áwaseru olanan por krese te 2 meter ( 7 pia).
Sistemanan signifikante di wer tropikal: Depreshon tropikal Emily tabata situá awe mainta tempran riba Atlántiko wèst djis pafó di kosta ost di Florida i ta antisipá ku e siklon lo sigui move nortost i tambe intensifiká un poko mas. E sistema aki no ta forma un menasa pa nos área.
Fenómeno spesial: Ningun.
Perspektiva te djaweps mainta: Shelu ta parsialmente te hopi nublá ku ainda chèns pa awa kai. Bos tambe por zona.
Meteorólogo: Coffie
E próksimo boletin di tempu lo wòrdu publiká djamars 11:00 o.l. (15:00 UTC).

Advertisements