Wak e video na final: KOMUNIKADO DI KUERPO POLISIAL KÒRSOU Kuater detenshon pa bringamentu.


Wak e video na final: KOMUNIKADO DI KUERPO POLISIAL KÒRSOU Kuater detenshon pa bringamentu.

KOMUNIKADO DI KUERPO POLISIAL KÒRSOU

 295 / 2017

2 ougùstùs 2017

Kuater detenshon pa bringamentu.

KUERPO POLISIAL KÒRSOU SIRBI I PROTEHÁ

Djamars 1 di ougùstùs 2017, alrededor di 17.45 or Sentral di Polis a dirigí e patruya di polis 

di Otrobanda den Breedestraat Otrobanda na altura di e viadukto pa un bringamentu ku ta 

saliendo for di man.

Na yegada di e patruya nan a topa ku un multitut di persona. Un hende muhé den e 

multitut aki a deklará na polis ku el a keda maltratá pa un grupo di otro hende muhé. E 

agentenan a konstatá ku e tabatin un herida na su wènkbrou na banda drechi. Na mes 

momento e víktima aki tabata menasá e otro partido ku morto. 

En konekshon ku e kaso aki, Polis a detené kuater (4) sospechoso na e sitio pa bringamentu 

i menasa. Ta trata di:

 e hende muhé Sh.J.K. di 35 aña di edat, pa bringamentu/menasa;

 e hende muhé R.M.M. di 24 aña di edat, pa bringamentu;

 e hende muhé G.F. di 47 aña di edat, pa bringamentu i

 e hòmber E.M. di 32 aña di edat pa bringamentu, tur nasé na Kòrsou.

A presentá e sospechosonan dilanti di un Fiskal Ouksiliar ku a ordená enkarselashon di e 

tres hende muhénan pendiente di mas investigashon. E hòmber E.M. despues di 

interogashon a rekobrá su libertat.

E investigashon ta kontinuá.

Advertisements