KOMUNIKADO DI KUERPO POLISIAL KÒRSOU Ladronisia ku detenshon.


KOMUNIKADO DI KUERPO POLISIAL KÒRSOU
292 / 2017
1 ougùstùs 2017
Ladronisia ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 1 di ougùstùs 2017 alrededor di 15.35 or, Sentral di Polis a risibí notifikashon di un
kaso di ladronisia kaminda deskonosínan a hòrta plaka kèsh, telefòn selular i pèchi for di un
vèn ku ta parker riba un lugá pa stashoná outo na John F. Kennedy Boulevard. Polis ku a
yega rápido na e sitio a nota ku tin dos hòmber sospechoso sintá den un outo. Polis a
kontrolá e hòmbernan aki i den e vehíkulo a haña plaka kèsh i sobra artíkulonan ku un ratu
promé a keda hòrtá for di den e vèn. A detené e hòmbernan:
 L.C.F.E. nasé na Kòrsou di 34 aña di edat;
 N.M.M. nasé na Kòrsou di 32 aña di edat, komo sospechoso di e ladronisia ariba
menshoná. A konfiská e vehíkulo ku nan tabata aden pa mas investigashon.
Tur dos sospechoso a keda presentá dilanti un Fiskal Ouksiliar ku a ordená nan
enkarselamentu pendiente di mas investigashon.
Nota pa redakshon – no pa publikashon

Advertisements