KOMUNIKADO DI KUERPO POLISIAL KÒRSOU Ladronisia ku detenshon.


KOMUNIKADO DI KUERPO POLISIAL KÒRSOU
293 / 2017
2 ougùstùs 2017
Ladronisia ku detenshon.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 2 di ougùstùs 2017 alrededor di 01.48 or, Sentral di Polis a risibí notifikashon di un
kaso di ladronisia kaminda deskonosínan ta hòrtando den un kònteiner na Jan Sofat i nan ta
den posishon di un vèn blanku. Un unidat polisial ku tabata dirigiendo nan mes pa e sitio a
topa na krusada Weg naar Fuik / Kaminda Kas Grandi ku un vèn blanku ku dia 1 di ougùstùs
2017 a keda hòrta for di lugá pa stashoná outo di un restorant riba Caracasbaaiweg. E vèn
aki tabata koré ku velosidat haltu. Mesora polis a bira i bai tras di e vèn ku intenshon pa
par’é i pa kontròl. E vehíkulo aki a sigui kore ku velosidat haltu i na krusada Weg naar Fuik /
Kaya Kampeshi shofùr di e vèn a pèrdè kontròl i dal kontra kurá di un kas. Durante kontròl
den e vèn polis a konstatá ku e suich di e vèn tabata kibra. Polis a detené e hòmbernan
sospechoso:
 R.S.W. nasé na Kòrsou di 54 aña di edat;
 K.D.M. nasé na Kòrsou di 45 aña di edat, i a konfiská e vèn ku nan tabata aden pa
mas investigashon.
Tur dos sospechoso a keda presentá dilanti un Fiskal Ouksiliar ku a ordená nan
enkarselamentu pendiente di mas investigashon.

Advertisements