​Seleccion di softball femenino di Aruba lo competi den e IX Campeonatos Panamericanos Femenino 2017 na Santo Domingo, Republica Dominicana


​Seleccion di softball femenino di Aruba lo competi den e IX Campeonatos Panamericanos Femenino 2017 na Santo Domingo, Republica Dominicana

E seleccion di softball femenino di Aruba ta den pleno preparacion pa e Campeonato Panamericano di softball cu pronto lo inicia na e pais merengue hunto cu 19 otro pais di henter e continente America. Mester bisa cu e campeonato ta cay bou di WBSC Americas Softbol y lo ta di 3 pa 14 di augustus unda e weganan lo tuma lugar den e Centro Olímpico Juan Pablo Duarte. Awe diahuebs merdia e seleccion a sali pa e pais di Republica Dominicana, mientras e hungadornan di Hulanda lo uni cu esnan di Aruba majan dabierna.

Na Santo Domingo nos seleccion di softball femenino lo hunga pa dos torneo clasificatorio esta e Weganan Panamericano 2019 di Lima, Peru y e Weganan Centro Americano y del Caribe 2018 di Barranquilla, Colombia. Na banda di esaki e miho pais di region Caribe Ingles bou cual Aruba ta cay lo haya e derecho di representa su pais den e Weganan CAC 2018 na Barranquilla, Colombia. E prome cinco paisnan di e campeonato Panamericano femenino lo clasifica pa e Campeonato Mundial de Tokio 2018, esaki cu mira pa e Weganan Olimpico di Tokyo 2020.

Pa loke ta nos seleccion nacional di softball femenino, esakinan ta bon prepara y tin tur confiansa cu nan lo haci un tremendo papel entre e grandinan den e deporte di softball di nos continente. Aruba su seleccion ta consisti di hungadornan di Aruba mes pero tambe nos lo tin 6 hungador di Aruba cu ta milita na Hulanda. E seleccion ta consisti di Rudlyn Ras (nl), Yelitza Ras, Riangela Flanegin (nl), Tianne Martine (nl), Quilen Dirksz (nl), Franchesca Diaz (nl),Jennysella Tromp, Shakeena Croes (usa), Milvienne Henriquez, Jennifer Chirino, Shalomie van Uytrecht, July-Ann Kock, Nikkaela Jacobs y Ilajay Tromp. 

Hopi exito na nos seleccion di softball femenino y ohala nan lo por clasifica pa ambos torneo.

Advertisements