Komunikado Prensa di We Dare To Care Foundation 


Komunikado Prensa di We Dare To Care Foundation August 1, 2017

Na nomber di Fundashon We Dare To Care e presidente I fundado Davika Bissessar ke ekspresa su gratitut na e publiko general di Boneiru pa uso ku entrada liber Parke Libertat- James Finies aka Parke Publiko pa e ultimo 11 anja I mei. Pa e ultimo 11 anja I mei e fundashon, We Dare To Care a logra su meta I kumpli ku su obhetivo 100% pa e komunidat Boneriano, espesialmente esnan di menos rekurso pa a krea, konstrui I provee servisionan pa un parke ku entrada liber for di 2005 pasobra e tempu ey no tabatin ningun parke di hunga pa mas ku 20 anja na Boneiru, ku ta un hecho lamentabel pa motibu di mal gobernashon di nos gobiernu lokal. Fundashon WDTC I James Finies I Davika Bissessar den kuadro di e slogan “Kita nos muchanan for di kaya I for di prizon” a krea e luga aki, un parke rekreashonal, kaminda esnan di menos rekurso tambe por bini sin ningun restrikshon o gastu. E linja aki nos ta intenta pa mantene a todo kosto ku entrada liber pa e grupo aki den e systema defekto I illegal aki ku e muchanan I nan famianan a hanja nan den dje desde 10-10-10.

Den nos vishon 11 anja I mei pasa, nos a inklui tambe subsidio struktural manera akorda pa AMFO, e gobiernu lokal I Fundashon WDTC. Apesar di tur e dokumentonan relevante ku e Fundashon a kumpli ku ne, esaki na konsiderashon di gobiernu lokal ni esun Hulandes no ta prioridat, pasobra kada anja karta a wordu manda pa e gobiernu lokal, pa 2de kamer di Hulanda I tambe personalmente na 2006 I 2010 na Reina Beatrix duranta su bishita na Boneiru I tambe na Rei Willem Alexander na 2013. Desde 2005, e grupo sivil di pueblo aki a soporta tur e difikuldatnan pa mantene e parke den bon estado; pa ta e prome parke despues di mas ku 20 anja riba nos isla apesar ku leynan nobo di impuesto, vastgoed belasting, subida di impuestonan di propiedat I tereno, subida di gastunan di Kamara di Komersio, subida di gastunan di awa I koriente, subida di gastunan bankario, I por sigui asina, ets ets. I esaki sin ningun subsidio struktural I apesar di e hecho ku tabatin inteshon I plania pa un take over dor di “Mariadal”. Augustus 2017 kasi 12 anja a pasa, I We Dare To Care ku pena ta obliga pa introdusi un “programma di reflekshon” ku ta nesesario pa preserva I mantene e fasilidat, ku den nos vishon, lo mester wordu pasa di generashon pa generashon pa 100 anja I mas alew. Nos ta mantene nos vishon ku e pake aki a wordu traha pa henter komunidat I espesialmente pa esnan di mas vulnerabel I di menos rekurso di nos komunidat pa por tin un lugar ku no mester paga pa entrada I e familianan ku por aford , pa kopera I kontibui, pa juda nos e fundashon pa preserva e parke pa 100 anja I mas lew. Komo ku esaki ta e uniko manera nos ta mira ku por sigui opera esaki I mantene nos vishon I obhetivonan di nos fundashon We Dare To Care.

E rekistonan pa entrada pa Parke Liberat aka Parke Publiko pa 1 september 2017; kategorianan:

Famianan di menos rekurso I programanan di afterschool di gobierno– pas annual gratis (mester kalifika pa e fundashon)

Famianan ku previlegio spesial ku mas rekurso tarifa: pa 6 luna :$ 60.= / 1 anja $110.= (mester kalifika pa e fundashon)

Famianan standard tarifa: pa 6 luna: $115.= / 1 anja:$.222.=

E informashon di NIBUD lo ta un di e kriterianan ku lo wordu usa pa esaki.

For di 1er Augustus I durante henter luna di Augustus famianan por aplika pa pas di entrada na parke di Dialuna pa Diabiernes di 4:00pm pa 6:00pm o por jama o message cell/whatsupp: 00599 9 7864576

E fasilidat aki , manera ningun otro riba nos isla, inkluyendo esun di Playa Pabao ku e gobiernu a traha na luga di juda sostene Parke Libertat aka Parke Publiko na 2014 pa kompeti I destrai e famianan pa no usa Parke Libertat tabata disenja pa Asosiashon Olympiko Merikano spesialmente pa por desaroya I koregi defisiensanan ku muchanan di entre 2 pa 5 anja ta konfronta I e aparatonan di hunga ta stimula e abildatnan motoriko I tambe e abildatnan di inteligensia I sosial den muchanan pa asina nan por sobresali riba nivel akademiko I atletiko.

Ku speransa ku tur famianan di Boneiru por kopera den esfuerso di union pa juda nos protege I mantene e parke pa Boneiru su komunidat pa hopi anja mas ku ta bini, mientras nos ta sigui mantene nos prinsipionan ku esaki ta algu bon I positivo pa e komunidat Boneriano.
Davika Bissessar, Presidente Fundashon We Dare To Care

Advertisements