Pronóstiko di tempu pa Kòrsou i bisindario bálido te djaweps mainta 6:00 o.l, 19 di aprel 2018.


Pronóstiko

Pronóstiko di tempu pa Kòrsou i bisindario bálido te djaweps mainta 6:00 o.l, 19 di aprel 2018.
Kompilá: 
djárason 18 di aprel 2018, 05:00 o.l. (09:00 UTC)

TempuShelu lo ta parsialmente te hopi nublá huntu ku un fluho di bientu basta fuerte. Posibilidat pa un áwaseru lokal, tantu awe mainta komo djaweps mardugá.

Temperatura máksimo lo alkansá 32 ºC i temperatura mínimo 26 ºC.
Solo ta sali 06:22 i ta baha 18:48 o.l.

Bientu: For di direkshon ost i moderá; forsa 4 te 5 (20 te 39 km/ora, 11 te 21 nudo). Ráfaga debesenkuando te fuerte te posiblemente duru; forsa 6 te 7 (40 te 61 km/ora, 22 te 33 nudo).

Situashon general: Nubianan lo plama temporalmente den nos área durante e próksimo dianan, pero kualke posibel áwaseru lo ta breve i di karakter ahislá. Di otro un banda, e fluho di bientu ta bira mas fuerte durante di awe i mayan djaweps. Laman lo respondé riba esaki i bira un poko brutu partikularmente riba laman habrí.

Kondishon di laman: Moderá te lokalmente basta brutu ku altura di ola entre 1 i 2 meter (4 pa 7 pia).

Fenómeno spesial: Ningun.

Pèrspektiva te djabièrnè mainta: Shelu ta por lo general parsialmente nublá i ku wer seku.

Meteorólogo: Coffie

E próksimo boletin di tempu lo wòrdu publiká djárason 11:00 o.l. (15:00 UTC).

Advertisements