KOMUNIKADO DI KUERPO POLISIAL KÒRSOU Detenshon di un sospechoso.


KOMUNIKADO DI KUERPO POLISIAL KÒRSOU

169 / 2018

19 aprel 2018

Detenshon di un sospechoso.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 19 aprel 2018, den oranan di mainta, polis a detené un sospechoso maskulino relashoná ku ladronisia ku violensia ku a tuma lugá dia 28 di mart 2018 den área di Otrobanda.
Riba e dia en kuestion alrededor di 00.15 or, e sospechoso a atraká un pareha turista i a kita nan pertenensianan for di nan. Ta trata di e sospechoso maskulino I.J.N.M. nasé na Kòrsou di 16 aña di edat.
Detenshon a tuma lugá na un adrès den área di Domi.
A presentá e sospechoso dilanti di un Fiskal Ouksiliar ku a ordená su enkarselamentu pendiente di mas investigashon.

Advertisements