Detenshon relashoná ku menasa.


KOMUNIKADO DI PRENSA

173 / 2018

20 aprel 2018

Detenshon relashoná ku menasa.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 20 di aprel 2018, alrededor di 11.14 or Sentral di Polis ta dirigí un patruya den área di Cabo Verde pa un kaso di menasa ku un arma.
For di un investigashon preliminar ku polis a hasi na e sitio a resultá ku dos bisiña tabatin pleitu ku otro. Dado momentu un di e hòmbernan a menasá su bisiña ku un arma. Na e sitio polis a detené e hòmber A.B.S. nasé na Kòrsou di 24 aña di edat, komo sospechoso di e kaso di menasa ariba menshoná. Polis a komprondé ku e sospechoso a skonde e arma den un mondi den serkania. Ku yudansa di kachonan di Duana a buska e arma pero sin e resultado deseá.
A presentá e sospechoso dilanti un Fiskal Ouksiliar.

Advertisements