Relashoná ku artíkulo ku informashon inkorekto ku resientemente a keda publiká


Relashoná ku artíkulo ku informashon inkorekto ku resientemente a keda publiká

 

Willemstad – Fundashon Kuido di Ambulans Kòrsou den su maneho aktual a skohe pa tin dos ambulans stashoná na pòst di Barber, seis na pòst di Zakitó i dos na pòst di Montaña. For di e pòstnan ta traha ku un ambulans i e otro ta keda para pa kaso di emergensia. Den kaso di emergensia e personal ku ta biba den e área ta keda yamá i por yega e pòst mas rápido posibel. FKA a tuma nota di un artíkulo ku a keda publiká den un korant djarason dia 18 di aprel ku tin ambulans ta “show- case” i por garantisá ku esaki no ta kuadra. Pa loke ta trata e publikashon FKA ta informá ku no tabatin ningun kaso den e área di Soto registrá konforme e artíkulo tampoko ningun ambulans a sali for di Montaña bai Banda Bou. Kada ambulans ta kubri su área i den kaso di un aksidente ku vários herido ta for di pòst di Zakitó ta sali asistensia pa Banda Bou òf Montaña. FKA ta trahando hopi efisiente i efektivo pa brinda un mihó kuido na pueblo en general.

 

Advertisements