Djaweps 12 shofùr den Korte pa kore outo bou di influensia


Info OM:

*Djaweps 12 shofùr den Korte pa kore outo bou di influensia*

Korte a reservá e siman aki un èkstra dia pa tratamentu di kasonan den Korte. Djaweps 26 di aprel ta bai trata solamente kasonan den tráfiko na unda tur e shofùrnan envolví tabata, segun investigashon, bou di influensia di alkohòl. Na tur ta bai trata 12 kaso di Ministerio Públiko (OM) di Kòrsou. Entre nan tambe un kaso ku morto den tráfiko na unda e shofùr a resultá bou di influensia di alkohòl.

•       Un shofùr, N.A.B. (Kòrsou, 1962) a kousa un aksidente i sigui kore bai miéntras e tabata bou di influensia di alkohòl. Esaki a tuma lugá 10 di desèmber 2017 riba Santa Rosaweg.

•       Un shofùr, M.A.J. (Kòrsou, 1960) ta ser akusá di a kousa un aksidente di tráfiko 17 di mart 2018 riba Winston Curchillweg miéntras ku e tabata bou di influensia di alkohòl.

•       E hòmber M.E.R.J. (Kòrsou, 1962) ta ser akusá di a kousa un aksidente di tráfiko dia 11 di yanüari 2018 riba Schottegatweg-oost miéntras el a bebe demas.

•       E hòmber A.H.J.O. (Hulanda, 1953) ta ser akusá di a kousa un aksidente di tráfiko 9 di mart 2018 riba Kaminda Jose Anthonia na unda el a kousa morto di Marcel Reginald Wallé (1956). Investigashon a determiná ku e shofùr O. tabata bou di influensia di alkohòl.

Fiskal di Ministerio Públiko ta akusá kada un di e shofùrnan ku nan a violá artíkulo 22, lid 1, di Kòrsou su ‘Wegenverkeersverordening’, esta ku e persona a kore un vehíkulo bou di influensia di alkohòl riba karetera públiko. Un hecho kastigabel pues.

Artikel 22
1. Het is de bestuurder van een voertuig verboden daarmede te rijden terwijl hij verkeert onder zodanige invloed van een stof waarvan hij weet of redelijkerwijze moet weten dat het gebruik ervan al dan niet in combinatie met het gebruik van een andere stof de rijvaardigheid kan verminderen, dat hij niet tot behoorlijk besturen in staat moet worden geacht.

Advertisements