Global Month Of Service djadumingu awó dediká na un bunita kousa: Starbucks ta sostené Child First Foundation


Global Month Of Service djadumingu awó dediká na un bunita kousa:

Starbucks ta sostené Child First Foundation 


WILLEMSTAD – APR – Djadumingu dia 29 di aprel próksimo, Starbucks lo host un marshe i un carwash na Mambo Beach Blvd na benefisio di Child First Foundation. Esaki enkonekshon ku nan luna di servisio. Anualmente, den luna di aprel, tur Starbucks rònt mundu ta hasi akshonnan boluntario den e komunidat den kual nan ta operá. Kòrsou no ta un eksepshon.

 

Riba e djadumingu aki, entre 9’or di mainta i 12’or di mèrdia, públiko lo por laba nan outo kumprando un karchi na balor di 10 florin. Tambe por kumpra artíkulo na e marshe i yuda e fundashon kumpra material pa su programa edukativo despues di skol- na Kolegio Nechi Pieters. Starbucks Mambo Beach Blvd. ta enkurashá tur hende pa aportá na e bunita kousa aki, dor di pasa laba outo òf hür un stènt pa kuminsando na únikamente 25 florin i bende bo artíkulonan. Tur entrada di carwash i hür di stènt lo bai pa e fundashon. Tur interesado por yama 435.5077 òf email nbrigitha@starbucks.com  Durante fin di siman di selebrashon Dia di Rei, for di dia 27 di aprel pa 30 di aprel, Starbucks Mambo Beach Blvd. i na Renaissance Mall lo tin kosnan di boka dushi koló oraño, manera Orange Macaron, Orange Velvet Cake i muchu mas. Bishitá Starbucks na Mambo Beach Boulevard tur dia di siman; di  djaluna pa djabièrnè for di 7’or di mainta pa 10’or di anochi i riba djasabra ku djadumingu for di 8’or di mainta pa 10:30 di anochi.

Advertisements