Kòrsou, ban risibí e dos dòknan flotante dia 29 aprel próksimo den bahia di Sta Ana.


Kòrsou, ban risibí e dos dòknan flotante dia 29 aprel próksimo den bahia di Sta Ana.

 Dia 28 aprel awor lo bira e fecha tan sperá, kaminda Kòrsou lo bai risibí e dos dòknan flotante di Damen Shiprepair Curaçao.

Ta trata aki di un dòk gigante i un ménos grandi. E dòk grandi ta mes un grandi ku 3 avion di KLM tras di otro, òf 23 bus di skol tras di otro ku e espasio nesesario mei mei.

E barku a sali dia promé di aprel ku e di dos barku di karga mas grandi di mundu Xin Guan Hua (China) for di Haf di Rotterdam rumbo pa Kòrsou.

Tur kos ta pinta ku pa dia 28 di aprel awor e barku lo e drenta bahia di Sta Ana. (Si por sosodé ku pa motibunan imprevisto di situashon di laman, esaki lo por bira dia 29. Pero nos lo notifiká esaki debídamenete).

E biahe a pasa e parti Sur pega ku kosta Oropeo, i nort di Afrika te na islanan kanario pa djei e kue rumbo pa Kòrsou.

Aktualmente e barku ta krusando laman  Karibense i tur kos ta pinta ku Djasabra 28 di aprel pueblo di Kòrsou por bai masalmente na bahia di Sta Ana, sea e banda di Punda o e banda di Otrabanda pa bai risibí e dos dòknan flotante ku lo bai mara na Damen Shiprepair Curaçao.

E orario eksakto nos lo anunsiá den transkurso di siman, pero esaki sigur lo ta den oranan di dia.

Naturalmente e lo bai ta un atrakshon úniko.

Laga nos komo Kòrsou ban risibí e dos dòknan flotante aki ku sigur lo ta un boost pa Desaroyo Ekonómiko di Kòrsou.

Advertisements