DunkerFitness


 

DunkerFitness

40% di poblashon di Kòrsou, mas o ménos 65.000 persona, tin 50 aña di edat òf mas. 25% di e grupo akí tin 65 aña òf mas. Mas ku 65% di e grupo akí ta bisa ku nan tin un òf mas problema króniko di salú (Fuente: GZE 2013). Petishon pa kuido ta keda oumentá i na mes momento e gastunan.

Dor di invertí den un estilo di bida salú, move mas frekuente i kome salú, e hende ta dal un stap den e direkshon di biba salú mas largu. Kalidat di bida na lugá di biba mas largu ku un òf mas malesa króniko.

DunkerFitness su meta ta pa konsentrá riba e grupo akí di 50 aña bai ariba. No ta importá e persona su nivel di fitness. Pa e grupo akí a skohe spesialmente e ekiponan di ehersisio hidróuliko di ‘AeroStrength’.‘ E persona  ta trein tantu e sistema kardio vaskular komo e múskulonan kontrali.

E aparatonan di AeroStrength ta seif pa e grupo di 50 aña bai ariba pasó nan ta adaptá nan mes outomátikamente na forsa i velosidat di esun ku ta trein. No ta importá edat òf kondishon di e persona riba 50 aña.

E resistensia hidróuliko di AeroStrength ta sòru pa moveshonnan sin mester fòrsa, loke ta seif pa skarnirnan i no ta kousa doló di múskulo.

Spesialmente pa hende grandi: E aparatonan di AeroStrength ta diseñá spesial pa e grupo ku edat avansá. Nan ta agarantisá un mínimo riesgo pa fòrsa un spir. Nan ta pone tambe ménos preshon riba skarnirnan.

Guia profeshonal: E ehersisionan tambe ta diseñá na midí i adaptá na edat haltu. Bou di guia profeshonal e grupo ta trein 30 minüt efektivamente i dirigí riba e meta.

Efisiensia: E treinen ta asina efektivo ku bo ta trein mas múskulo den ménos tempu.

No ta bodybuilding : E treinennan ta ménos dirigí riba estétika pero ku mas atenshon pa kalidat di bida

Prevenshon: E treinennan ta pa prevení ku esnan di 50+ ta haña problema ku suku, preshon haltu i obesitas. Obesitas ta manifestá su mes serka 80% di hende ku diabetis tipo 2. Esnan ku ta hasi aktividatnan físiko tin 35-50% ménos chèns pa desaroyá diabetis tipo 2 i preshon haltu.

Mantené bou di kontrol: Pa esnan di 60, 70 i 80+ ku tin problema ku suku, preshon i obesitas, e treinennan ta yuda pa tene e malesanan bou di kontrol.

DunkerFitness pasport: Tur hende ta haña un pasport den kua ta registrá tur partikularidat pa asina por midi e desaroyo i e efekto di e treinennan. Resultadonan ta visibel denter di algun siman i no despues di lunanan.

Diesun aparato i diesun plataforma di ehersisio

Durante e mei ora ku e seshon di treinen ta dura, e kliente ta trein na diesun diferente aparato. Despues di kada aparato e kliente ta hasi uso di un plataforma di ehersisio riba kua e e tin ku keda move pendiente e siguiente aparato.

 E sistema di trein den sirkuito ta bon pa ora bo tempu ta limitá. Trein den sirkuito ta mas efisiente ku trein den un gym tradishonal. Bo por hasi mas ehersisio den ménos tempu.

Ora bo inkorporá moveshonnan di kardio den e sirkuito, bo no mester hasi e ehersisionan aki apart. Dor di move di un aparato pa otro, den un sirkuito, bo ta kita e aspekto monótono ku bo ta haña den un gym tradishonal kaminda bo ta trein ku peso. Mei ora ta pasa lihé, loke ta hasi e treinen mas agradabel.

Advertisements