KOMUNIKADO DI KUERPO POLISIAL KÒRSOU Akshon den kuadro di e “Task Force vuurwapen”.


KOMUNIKADO DI KUERPO POLISIAL KÒRSOU
178 / 2018
24 aprel 2018

Akshon den kuadro di e “Task Force vuurwapen”.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaluna 24 di aprel 2018, personal di Tim di Mantenshon di Òrden Públiko, konhuntamente ku ‘Curaçaose Militie’ i Duana, a tene kontròl den área di St. Maria i Berg Altena.
E kontròlnan aki a tuma lugá entre 23.00 or di anochi i 02.30 or di mardugá. E unidatnan a kontrolá un total di 115 vehíkulo, 176 persona i a partí prosèsverbal pa e siguiente infrakshonnan:
 Manehá un vehíkulo sin reibeweis bálido 7
 Manehá un vehíkulo sin seguro bálido 3
 Manehá un vehíkulo sin number pagá 3
 Manehá un vehíkulo ku glas skur 2
 Manehá un vehíkulo sin plachi number 1
 Manehá un vehíkulo sin faha di seguridat 1
 Manehá un vehíkulo ku lus dilanti defekto 1
 Manehá un vehíkulo sin lus kòrá patras 1
Durante di e kontròlnan aki polis a detené tres (3) hòmber sospechoso pa violashon di Lei di Opio i a presentá nan dilanti un fiskal ouksiliar. Tambe polis a kita dos (2) vehíkulo ku no tabatin e papelnan na òrdu i a transportá nan ku kran pa kurá.
E kontròlnan aki ta kontinuá.

Advertisements