Ban yuda nos Curaçao Zoo ku plantamentu!


Ban yuda nos Curaçao Zoo ku plantamentu!

Hopi ta esnan ku ainda no ta konsiente di tur loke ku ta tuma lugá den nos Curaçao Zoo; un di e partinan ku sigur ta hopi interesante i ta dunando su frutanan, ta e parti di plantamentu!

Resientemente Curaçao Zoo a hasi un yamada via di medionan sosial pa nos komunidat kontribuí kuné dor di hasi donashon di ròlnan di papel di wc. Si, asina mes. Loke ku normalmente nos ta tira afó, ta di gran uzo pa Curaçao Zoo; e ròlnan ta keda uzá pa planta simia den dje i na momento ku esaki krese, e ta keda hinká den tera! Un danki na tur ku ya a duna oído na e yamada i ya ta hasiendo nan donashon.

Pues, spar tur bo ròlnan di papel i hiba nan Curaçao Zoo. Dado kaso bo ke sa kon e plantamentu ta tuma lugá, bo por pasa na e stènt di Curaçao Zoo durante di Koningsdag djabièrnè awor den Punda na Plasa Jojo Correa, wak i tuma bo ‘pakete’ pa sigui ku plantamentu na kas.

Diariamente tin desaroyo den Curaçao Zoo. Pa bo keda na altura, sigui Curaçao Zoo riba su retnan social, www.facebook.com/CuraçaoZoo i/òf http://www.instagram.com/CuraçaoZoo!

Advertisements