Down Right Down Perfect Fashion Show tabata un éksito


Down Right Down Perfect Fashion Show tabata un éksito

Manera ampliamente konosí, djadumingu 22 di aprel último tabata dia di e tan komentá show di moda “Down Right Down Perfect” organisá pa Keep it 100 and shine. Meta di e organisashon pa ku evento aki tabata pa konsientistá nos komunidat riba e di e kualidatnan di e personanan ku Downsyndrome i pone un lus riba nan.

Diferente ta e figúranan públiko a desfilá huntu ku nos mucha- i hobennan, kendenan a modelá pañanan di Gazini i tambe Mini Me, entre nan Minister Steven Martina,  Parlamentario Elsa Roozendal, Nicole v.d. Wal-Arneman, Dibo Doran, Almerina Costa, Yurendel de Caster, Deva Dee Sillee, Jaidorick, Joan da Costa Gomez, Vader Volk, Aemy Nia Feliz , Dean Rozier, Christy Dania, Eldrion Regina, Carlton Jansen, Eline de Pool, Amos Balentin, Nathaly Antonia, Doctor Voight, Jason Vic, Tito Doran, Ali Hamoed, Hunneley Felicia i Marina de Miranda.

Keep it 100 and shine ta gradisí kada un di e selibridatnan, patrosinadó, mayornan, nos komunidat i kada un persona i/òf organisashon ku di un forma òf otro forma a sostené e evento aki.

Manera a bisa, tur fondo rekoudá lo a bai pa Fundashon Totolíka, loke ku mesun anochi a sosodé; Akisha Albert, presidente di Keep it 100 and shine a hasi e entrega na sr. Willy Harms di Fundashon Totolika.

E show di moda aki tabata un éksito total, loke ku tin ya varios hende pidiendo pa ripitashon, pues keda pendiente pa e di dos edishon!

Advertisements