Ta tapa tur buraku pa evitá aksidente! 


Ta tapa tur buraku pa evitá aksidente! 

 

Willemstad – Servisio pa Obra Públiko (OW) a kuminsá ku trabounan pa tapa burakunan riba tur kaya na Kòrsou i asina evitá insidentenan den tráfiko. Un outomobilista ta haña su mes últimamente ta hala inesperadamente for di burakunan riba kaminda i esaki por kousa aksidente. 

Ta konosí ku nos kayanan ta den un mal estado i mester drecha nan rápidamente. Minister Jesus-Leito huntu ku OW ta trahando riba un proyekto grandi pa drecha diferente kaya na Kòrsou. Miéntras tantu, ta yena tur kaminda ku tin buraku. Esaki ta un solushon riba tèrmino kòrtiku.

OW ta na altura di e echo ku e yenamentu di buraku aki no ta un solushon duradero. Tambe OW ta konsiente di e echo ku ora áwaseru kai, e buraku por bolbe habri. Apesar di esaki i teniendo kuenta ku seguridat den tráfiko i ku lo no por drecha tur kaya na Kòrsou e aña aki, ta opta pa aliviá e situashon di e forma aki temporalmente.

OW ta pidi pa kore ku koutela na momentu ku tuma nota ku tin trabounan ta tuma lugá riba un kaya. OW ta sigui traha pa drecha Kòrsou.

Si tuma nota di un kaminda ku tin un òf mas buraku ku no a wòrdu yena ainda, por tuma kontakto ku nos via di Whats app na number di telefon +5999 511 8582

Advertisements