Kòrsou, ban risibí e dos dòknan flotante dia 28 aprel próksimo den bahia di Sta Ana.


Kòrsou, ban risibí e dos dòknan flotante dia 28 aprel próksimo den bahia di Sta Ana.

 

Dia 28 aprel awor lo ta e fecha tan sperá, kaminda Kòrsou lo bai risibí e dos dòknan flotante di Damen Shiprepair Curaçao.

Djaweps  26 di aprel  e barku di karga gigantesko,  Xin Guan Hua ku ta transportando e dos dòknan flotante lo aserká  kosta di Kòrsou, i djasabra 28 di aprel pa 14.30  lo e drenta bahia Sta. Ana.

For di 11.30 lo tin un boto ta Sali ku mandatarionan, invitadonan i Prensa, pa bai risibí nan i pa  di e forma ei e seremonia  ofisial tuma lugá.

Aktualmente e barku a krusa laman  Karibense i ta yegando kosta di Kòrsou.

Minister Steven Martina huntu ku Damen Shiprepair Curacao for di aki ta invitá pueblo di Kòrsou  pa djasabra awor sali kas masalmente pa bahia di Sta Ana  i asina ban risibí e dos dòknan flotante, ku sigur sigur lo ta un boost pa Ekonomía di Kòrsou.

Pues, e orario ku e momentu históriko aki lo tuma lugá ta alrededor di 14.30, esta mitar di 3 di merdia, na momentu ku e dos dòknan flotante hasi nan entrada den bahia di Sta Ana.

Bin for di trempan pasó lo tin mas aktividat rondó di e dia aki ku ta tuma luga den sentro di suidat.

 

Esaki lo bira un eksperensha úniko.

Advertisements