A constata basta producto caduca, daña y djaca ta core rond  Accion policial ariba supermercadonan


A constata basta producto caduca, daña y djaca ta core rond  Accion policial ariba supermercadonan
Cuerpo Policial Aruba conhuntamente cu diferente departamentonan: SVB di KPA, Economische Zaken y Volksgezondheid a haci un control ariba diferente supermercadonan den Oranjestad. For di mainta trempan a cuminsa haci control den diferente barionan manera: Madiki, Dakota, Wayaca y Havenstraat.
Durante control a constata basta productonan caduca cu tabata wordo bendi pa publico. Na diferente supermercado e prijs no tabata cuadra cu e prijs di gobierno nan tabata muchu caro pa wordo bendi. Mayoria di supermercadonan tabata tin productonan daña sea ta carni, berdura, fruta y productonan den bleki. A constata djaca tambe den algun di e supermercadonan asina tambe nan a wordo sera mesora pa publico pa por haci limpiesa.
Sea conciente Cuerpo Policial Aruba lo sigui haci su control debido na cualker supermercado. Nos mensahe na comunidad ta pa PAGA TINO! Y wak bon riba e producto su fecha di vencemento y wak bon si e producto ta daña.
Advertisements