Trafikante di droga Canades detené na Kòrsou ku ta enbolbí ‘El Chapo’ Joaquin Guzman


Trafikante di droga, un Canades konosí komo “Russian Mike” ku a keda sentensiá den e kaso di trafikashon di droga, ku ta enbolbí ‘El Chapo’ Joaquin Guzman, ta será den prizòn aki na Kòrsou. Outoridatnan Merikano ta trata di logra su ektradishon for di Karibe pa Merka.
E trafikante Mykhaylo Koretskyy, nasé na Ukraina, a keda arestá despues di a yega Kòrsou ku su famia na luna di yanüari ultimo riba un buelo for di Canada.
Koretskyy (43) a keda sentensiá den korte federal na New York pa entre otro konspirashon pa importá kokaina. Korte Merikano tin e komo un di e personanan enbolbí den e kaso kontra Guzman i konos’é tambe bou di e nòmber “Cobra.”
Komo ku Kòrsou ta forma parti di Hulanda, tin un tratado di ekstradishon ku Merka, pero e desishon pa manda Koretskyy New York lo keda tumá despues di algun siman.
el_chapo
Advertisements