Pronóstiko di tempu pa Kòrsou i bisindario bálido te djadumingu mainta 6:00 o.l, 29 di aprel 2018.


Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l, 29 di aprel 2018.
Kompilá: 
djasabra 28 di aprel 2018, 05:00 o.l. (09:00 UTC)

TempuPor lo general parsialmente nublá i tantu awe komo mayan mainta tin un chance chikí pa un áwaseru pasahero.

Temperatura máksimo lo alkansá 32 ºC i temperatura mínimo 26 ºC.
Solo ta sali 06:17 i ta baha 18:49 o.l.

Bientu: For di direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Ráfaga de bes en kuando te fuerte; forsa 6 (40 te 50 km/ora, 22 te 27 nudo).

Situashon general: E sistema di preshon haltu riba Osean Atlántiko ta ekstendé wèst i tambe den e region di Karibe, miéntras e ta sigui sostené un fluho di bientu moderá te basta fuerte den nos área. Ademas, desaroyo di nubianan tempran durante e próksimo maintanan, por okashoná un tiki áwaseru riba parti limitá di nos área.

Kondishon di laman: Moderá ku altura di ola entre 1 i 2 meter ( 3 pa 7 pia). E olanan di mas haltu lo ta riba laman na nort i den pasashinan.

Fenómeno spesial: Ningun.

Pèrspektiva te djaluna mainta: Shelu ta parsialmente i tin chèns pa un òf mas áwaseru pasahero tempran riba djaluna.

Meteorólogo: Coffie

E próksimo boletin di tempu lo wòrdu publiká djasabra 11:00 o.l. (15:00 UTC).

Advertisements