Update bringamentu ku tiroteo na Rotterdam


Djasabra atardi alrededor di 6or tabata tin un kaso kaminda 2 persona tabata bringa riba Lijnbaan na Rotterdam. Durante di e bringamentu por a skucha tambe 2 tiru di un arma di kandela. Algun ratu despues agentenan polisial a hasi detenshon di un di e personanan (28) ku tabata enbolbí den e bringamentu ku tiroteo. Alabes a enkontrá e persona ku un arma di kandela den su poder. Agentenan ta en buska di e otro persona i no ta konosí si e tambe ta armá. Kuerpo polisial ta kondená e suseso di bringamentu i tiroteo aki aun mas komo el a tuma lugá den un sentro komersial, un area publiko i bon bishitá. No ta konosí si tin persona ku a resultá heridá.

Investigashon ta kontinuá.

Advertisements