3 i 4 Di mei 2018, kambio di tráfiko relashoná ku entrenamentu i seremonia solèm pa konmemorá víktimanan di Guera


3 i 4 Di mei 2018, kambio di tráfiko relashoná ku entrenamentu i seremonia solèm pa konmemorá víktimanan di Guera

Willemstad – Djabièrnè 4 di mei, Gobièrnu di Kòrsou ta konmemorá huntu ku entre otro Marina Real, Polis, VKC, Scouting, Brigada di Seguridat, komunidat hudiu, veteranonan i famianan di esnan ku a pèrdè nan bida durante di Segundo Guera Mundial.

Kòrsou i demas islanan den Antia a hunga un ròl importante den e bataya di aliadonan kontra Alemania den Segundo Guera Mundial. Kòrsou i Aruba tabata proveé zeta pa e barkunan di guera. Esaki tabata un di motibunan ku e aliadonan a gana e guera ku a kosta hopi bida. Antia Hulandes i Sürnam tabata e úniko parti liber den reino. Pa e motibu ei diferente kompania grandi di Hulanda a establesé nan kompania na Kòrsou. Esaki tabata kuminsamentu di loke nos ta yama ‘offshore’. Ounke e periodo a trese kresementu ekonómiko pa Kòrsou, hopi ta esnan ku a pèrdè nan bida bringando e guera pa Hulanda.

E seremonia na monumento na Waaigat riba 4 di mei, ta kuminsá 09:00 ‘or di mainta. E di dos parti na Santana Militar na Roodeweg ta kuminsá 10:30’or di mainta.

3 i 4 Di mei ta sera kaminda temporalmente, Dekreto Ministerial KC-370/04/2018
• Djaweps 3 di mei Polis ta sera kaminda for di ofisina di Citco te ku stashon di bùs na Punda entre 6:00 i 12:00’or di mainta pa, bou di guia di Marina Real, por hasi algun ensayo den preparashon di e seremonia.
• Djabièrnè 4 di mei tambe ta sera kaminda entre 6.00 i 12:00’or di mainta. Riba e fecha aki e seremonianan solèm ta tuma lugá.

Advertisements