Outoridat di Aviashon Sivil ta haña training den Maneho di Supervishon di Seguridat


Outoridat di Aviashon Sivil ta haña training den Maneho di Supervishon di Seguridat

 

Willemstad – Resientemente personal di Outoridat di Aviashon Sivil di Kòrsou (CCAA) a sigui un training tokante Maneho di Supervishon di Seguridat den aviashon. Di parti di e organisashon International Air Transport Association (IATA), instruktor John Pottinger, komo profeshonal riba e materia aki, a bini for di IATA Canada pa duna e training aki na Kòrsou.

Meta prinsipal di e training spesífiko aki ta pa hiba CCAA na un nivel mas haltu di komprondementu di loke ta maneho di supervishon di seguridat di aviashon sivil. Ku esaki  CCAA ta mantené un bon supervishon riba seguridat den sector di aviashon sivil loke ta kontribuí na e trayekto pa bolbe bek den kategoria 1.

Tantu esnan ku ta inspektor i esnan ku no ta inspektor a sigui e training aki pa hisa kapasidat i konosementu di henter e personal den desaroyo di aviashon sivil. Minister enkargá ku e sektor di aviashon sra. Zita Jesus-Leito durante di e training a pasa i duna un palabra di empoderamentu na e personal komo un forma pa biba ku e kompromiso pa komo país nos bai bek kategiora 1. Na final di e training aki tur partisipante mester a pasa un eksamen i tur a pasé ku eksito.

Advertisements