Tratamentu varios kaso den korte


Djaweps mainta korte di hustisia a trata entre otro regiezitting di e kaso kontra di èks direktor di Girobank sr. Eric Garcia. Sr. Garcia ta keda akusá entre otro di malversashon di 11 miyon dòler durante temporada ku e tabata guia bankarota di Banco de Maracaibo. Mr. Martina, abogado di sr. Garcia, a hasi petishon pa skucha testigunan di nobo, komo ku tin informashon adishonal ku no tabata konosí durante interogashonnan anterior. Mientras ku Fiskal no a mira e nesesidat pa skucha testigunan di nobo, Hues a bai di akuerdo i dia 14 di sèptèmber proksimo ta kontinuá ku e regiezitting.
Apesar di e kaso aki, korte a trata tambe regiezitting di e kaso Valencia, den kual tres (3) amtenar di servisio di atmishon ta keda akusá di falsifikashon. Mas lat korte ta trata regiezitting di e kaso konosí komo ‘mondkapjes’, kaso Dubnium.
korte
Advertisements