KOMUNIKADO DI KUERPO POLISIAL KÒRSOU Entrada Hudisial ku detenshon i arma di kandela konfiská i polis a haña herida di bala den su mannan.


KOMUNIKADO DI KUERPO POLISIAL KÒRSOU

189 / 2018
3 mei 2018

Entrada Hudisial ku detenshon i arma di kandela konfiská i polis a haña herida di bala den su mannan.

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Den kuadro di Actie Centrum Ondermijning Criminaliteit, awe djaweps 3 di mei 2018, den oranan di mainta polis a tene tres (3) entrada hudisial na e siguiente adrésnan:
1. San Souci
2. Seri Kandela
3. Buena Vista
Esaki relashoná ku poseshon di arma di kandela ilegal.
Durante di e entrada Hudisial na e kas den San Souci e sospechoso a risistí su aresto, i a lòs un tiru riba un di e agentenan polisial. E polis a haña herida di bala den su mannan, su situashon ta stabiel pero di preokupashon.
En konekshon ku e kaso ariba menshoná polis a detené e hòmber sospechoso R.U. nasé na Kòrsou di 28 aña di edat pa intento di asesinato i violashon di lei di arma di kandela.
Tambe a konfiska e arma di kandela ku e la uza.
Kontinuando ku e investigashon na un kas na Seri Kandela polis a haña i konfiská un kantidat munishon i a detené e habitante e hòmber sospechoso, J.V. nasé na Aruba di 51 aña di edat pa violashon di lei i arma di kandela.
A presenta ámbos sospechoso dilanti di un Fiskal ousiliar ku a ordena nan enkarselashon pa mas investigashon.

Advertisements