Orashon djadumingu 6 di mei 2018


Orashon djadumingu 6 di mei 2018

‘Meskos ku mi Tata ta stima Mi, asina Mi ta stima boso; keda den mi amor. Si boso obedesé mi mandamentunan, boso ta keda den mi amor. Meskos ku Ami ta obedesé e mandamentunan di mi Tata i ta keda den su amor. Mi a bisa e kosnan akí pa mi legria por ta den boso i boso legria por ta kompleto. Esaki ta mi mandamentu: stima otro, manera Ami a stima boso. E amor di mas grandi ku un hende por tin pa su amigunan ta di entregá su bida pa nan. Boso ta mi amigu, si boso hasi loke Mi manda boso. Mi no ta yama boso sirbidó mas, pasobra un sirbidó no sa kiko su shon ta hasi. Ma Mi ta yama boso amigu, pasobra Mi a laga boso sa tur kos ku Mi a tende di mi Tata. No ta boso a skohe Mi, ma ta Ami a skohe boso i Mi a apuntá boso pa bai i karga hopi fruta; fruta ku ta keda. Loke boso pidi Tata den mi nòmber, E ta duna boso. Esaki antó ta loke Mi ta manda boso hasi: stima otro. ‘ Huan 15:9-17

 

Advertisements