Eksposishon di Varens


Eksposishon di Varens

Asosiashon Pterophyta ku ta e klup lokal di varens ta presentá na un i tur e oportunidat pa wak e bunita matanan aki di tur parti di mundu aki na Kòrsou riba djasabra 12 di mei 2018

Asosiashon Pterophyta tin komo meta pa promové e konosimentu di varens na Kòrsou, promové protekshon i ampliashon di kuido di varens. Varens ta un dje matanan hopi gustá na Kòrsou. Den basta kurá varens ta forma parti esensial di flora i founa. Sigur esnan ku krese i bira una beyesa den nos klima tropikal kombiná ku un tiki bientu, solo i sombra.

E eksposishon i benta di varens lo tuma luga na Radulphus College situa na Cas Còraweg 57 riba djasabra 12 di mei 2018 for di 9 or di mainta te 4 or di atardi. Entrada ta solamente 3 florin pa persona. Lo bai show diferente tipo di varens ku tin na Kòrsou. Tur esaki den aire habrí i dominante den naturalesa. Lo tin un variedat grandi di varens pa kumpra i tambe charla tokante di varens. File name:

Pa esnan ku nunka a mira un dje matanan mas biew di mundu ku ta varens lo bai tin oportunidat pa será konosí ku nan mas di aserka. Nos hendenan lokal mes ku tin hopi konosementu den varens i lo duna charla den oranan di mainta i atardi den un lokalidat di les na Radulphus College mes. E charlanan lo pone atenshon riba historia, kuido, identifikashon i struktura di varens.Lo tin tambe un kaminata kòrtiku den kual lo duna splikashon tokante e varensnan den eksposishon Naturalmente lo bai tin oportunidat pa kumpra varens na preis di famia. Algu pa kome i bebe tambe lo ta disponibel.

Asosiashon Pterophyta ta invitá pueblo di Kòrsou kompleto pa bin bishitá nos riba djasabra 12 di mei for di 9or di mainta te ku 4or di atardi na Radulphus College.

Pa mas informashon por aserká miembronan di nos asosiashon. Tambe por bèl òf app na 5217676 pa mas detaye di e eksposishon i benta.

Pedro Atacho

Presidente Asosiashon Pterophyta.

Advertisements