KOMUNIKADO DI KUERPO POLISIAL KÒRSOU Hòmber hañá morto


KOMUNIKADO DI KUERPO POLISIAL KÒRSOU

192 / 2018
7 mei 2018
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Hòmber hañá morto

Djadumingo 6 di mei 2018, alrededor di 18.09 or Sentral di Polis a haña notifikashon ku tin
un hòmber drumi abou den kurá di un kas na Klein Sta Martha.
Na yegada di e patruya polisial na e sitio, en berdat nan a bin topa ku un hòmber drumi
abou den kurá di un kas na e adrès ariba menshoná ku no tabata duna señal di bida.
For di un investigashon preliminar ku polis a realisá na e sitio a resultá ku un famia a yega
kas i a haña e hòmber drumí abou den kurá di e kas.
Te kaminda esaki tabata posibel bou di e sirkumstansianan presente no por a konstatá
señal di violensia na kurpa di e hòmber aki.
Alrededor di 19.55 or dòkter di polis a konstatá morto di e hòmber aki nasé na Kòrsou di 35
aña di edat.
Riba òrdu di Fiskal di Ministerio Públiko a konfiská e kurpa sin bida di e hòmber pa mas
investigashon pa determiná kousa di su morto.

Advertisements