Investigashon kaso Porto Mari


Info OM:
*Investigashon kaso Porto Mari*
Mayan mainta Fiskal ta presentá e sosopechoso E.R.S. (Boneiru, 68 aña) dilanti un Wes-komisario (RC). Esaki pa uso ilegal di un arma di kandela i intento di homisidio. Ta trata di e kaso di tiramentu na Porto Mari djamars 7 di mei 2018.
OM Kòrsou ta enfatisá ku na e momentunan aki tin un investigashon andando i no por elaborá riba e kaso i e sirkumstansianan.
Fiskal di Ministerio Publiko (OM) a disidi pa no presenta (pa aworaki) e hombernan R.A.E. (Boneiru, 31 aña) i R.C.M. (Kòrsou, 26 aña) na Wes-komisario mirando e gravedat di e heridonan serio ku nan a sufri. Ambos ta interná den hospital.
OM ta enfatisá ku e investigashon den nan kaso ta kontinuá i ku ambos ta keda  sospechoso den e kaso.
Advertisements