SEREMONIA KONMEMORASHON FAYESIDONAN DEN SEGUNDA GUERA MUNDIAL


SEREMONIA KONMEMORASHON FAYESIDONAN DEN SEGUNDA GUERA MUNDIAL

Kralendijk – Resientemente a tuma lugá e seremonia anual kaminda a konmemorá esnan ku a pèrdè nan bida durante e segunda guera mundial. Esaki a tuma lugá na e monumentu na pia di waf Chicu Mercelina.

E seremonia a inisiá ku ponementu di krans dor di Gezaghebber di Boneiru sr. Edison Rijna i sekretario di Entidat Públiko Boneiru sra. Nereida González na nòmber di Gobièrnu di Boneiru.
Siguí pa tokamentu di e himno di Hulanda Wilhelmus van Nassauwe i Himno di Boneiru, Tera di Solo.
Sr. Gerard van de Klis representadó e komunidat protestant, Gezaghebber di Boneiru sr. Edison Rijna i tambe e representante di Reino sr. Jan Helmond tabata e personanan ku a hiba palabra durante e seremonia

E aña aki e hóbennan di grupo 7 i 8 di skol Aquamarine a para ketu na e dia i a trese bunita frasenan dilanti bou di guia di nan dosentenan.

Na final di e diskursonan a tuma lugá e akto floral pa medio di diferente organisashon, representante di Reino, Kuerpo Polisial, Douane, Veteranonan i famianan di personanan ku a pèrdè nan bida durante e segunda guera mundial.
Na final di e mainta sr. van der Heijde, representante di e veteranonan a hasi entrega di un buki na Gezaghebber Rijna. E buki ta titulá : Oorlogen en Vredesmissies/ervaringen van Nederlandse veteranen 1940 – 2010.

CEREMONIE HERDENKING GEVALLENEN TWEEDE WERELDOORLOG

Kralendijk – Onlangs heeft de jaarlijkse ceremonie plaatsgevonden ter herdenking van de gevallenen in de Tweede Wereld Oorlog. De ceremonie vond plaats bij het monument bij de Chicu Mercelina-pier.
De ceremonie begon met een kranslegging door de Gezaghebber van Bonaire dhr. Edison Rijna en eilandssecretaris mw Nereida Gonzalez namens het Bonairiaanse eilandsbestuur. Vervolgens werd het Nederlands volkslied Wilhelmus van Nassauwe en het Bonairiaanse volkslied Tera di Solo ten gehore gebracht. De vertegenwoordiger van de protestantse gemeente dhr Gerard van de Klis, de Bonairiaanse Gezaghebber dhr. Edison Rijna en de Rijksvertegenwoordiger dhr Jan Helmond hebben tijdens de ceremonie een toespraak gehouden.

Dit jaar hebben kinderen uit groep 7 en 8 van Basischool Aquamarin stilgestaan bij deze dag en onder leiding van hun groepsleraren een mooi gedicht voorgedragen.

Na de toespraken vond een kranslegging plaats door verschillende organisaties, de rijksvertegenwoordiger, het politiekorps, de douane, de Veteranen Vereniging Bonaire en familieleden van degenen die tijdens de Tweede Wereld Oorlog hun leven hebben verloren. Aan het eind van de ochtend heeft dhr. van der Heijde van de Veteranen Vereniging Bonaire een boek, getiteld ‘Oorlogen en Vredesmissies / ervaringen van Nederlandse veteranen 1940 – 2010’ aan Gezaghebber Rijna overhandigd.

Advertisements