Renaissance Curaçao Resort a premia koleganan

 ku a sobresalí den promé kuartal di 2018

 

Willemstad – MEI– Ku e pensamentu unánime, ku huntu nos tur ta logra mas, Renaissance Curaçao Resort & Casino ta selebrá metanan alkansá i ekselensia den servisio. E promé kuartal ta tras di lomba i maneho di Renaissance Curaçao Resort & Casino di akuerdo ku su atenshon máksimo pa rekurso humano a selebrá huntu ku su empleado-, supervisor- i managernan sobresaliente. Meta primordial ta, stimulá konsistensha den servisio riba e nivel máksimo i premia dedikashon, prestashon i lealtat di tur kolega.

 

Un pabien na Marlon Ollivierre (Casino Manager), Gina Maduro (Hotel Manager), Faysal Sint Jago (Supervisor Heart Of The House), Gilberto Minguel (Supervisor Front Of The House), Hainer Marin (Employee Heart Of The House) i Sidney Mathilda (Employee Front Of The House). Tambe, un pabien na Riangelo Jansen ku a gana e ‘Spirit To Serve Award’, esaki ta un rekonosementu masha spesial di Marriott International, ya ku e ta suprayá esfuerso di e empleado pa inspirá su koleganan, via di un aktitut positivo den kual e ta duna servisio ekselente na e huéspet promoviendo trabou den ekipo. Gerensia, Staff i Personal di Renaissance Curaçao Resort & Casino awor parti di Wind Creek Hospitality ta felisitá tur kolega sobresaliente den e promé kuartal di 2018 i ta gradisí kada un pa nan esfuerso i dedikashon di tur dia! Masha Pabien!

Riba fotonan athunto por haña un impreshon di e seremonia ku a tuma lugá

den Atrium na Renaissance Curaçao Resort & Casino. Sigui ku e bon trabou!

 

Advertisements