BALA LO KUMINSÁ LORA DJABIÈRNÈ 11 DI MEI ORA JONG HOLLAND ENFRENTÁ INTER WILLEMSTAD DURANTE E PROMÉ PARTIDO DI LIGA MCB PROMÉ DIVISHON BUÈLTA DI 6!


BALA LO KUMINSÁ LORA DJABIÈRNÈ 11 DI MEI ORA JONG HOLLAND ENFRENTÁ INTER WILLEMSTAD DURANTE E PROMÉ PARTIDO DI

LIGA MCB PROMÉ DIVISHON BUÈLTA DI 6!

 

 

Manera ya ta konosí tin un kaso pendiente kaminda Komishon di Apelashon lo mester tuma un desishon pa asina bira konosí si ta Centro Dominguito ta keda òf Jong Colombia lo bira e di 6 ekipo ku lo forma parti di Liga MCB Promé Divishon su buèlta di 6.

Despues di a reuní den su seno, papia ku mayoria klup enbolbí i a deliberá ampliamente riba esaki, direktiva di FFK ta anunsiá ku Liga MCB Promé Divishon su buèlta di 6 lo ranka sali djabièrnè, 11 di mei pa 8’or di anochi den Stadion Ergilio Hato. E promé enkuentro lo ta entre Jong Holland i Inter Willemstad miéntras djasabra 12 di mei, Vesta lo topa Scherpenheuvel pa 8’or di anochi den Stadion Ergilio Hato.

Pues Liga MCB Promé Divishon su buèlta di 6 lo inisiá en espera di e resultado final di Komishon di Apelashon riba e delaster kaso ku tin pendiente.

Mas informashon lo sigui den transkurso di dia nan…

 

Tur e partidonan di Liga MBC Promé Divishon buèlta di 6 lo tuma lugá den Stadion Ergilio Hato òf Stadion Dr. Antoine Maduro.

Entrada pa e partidonan aki ta kosta fl.7.50 pa adulto miéntras mucha i 60+ ta paga fl.2.50,-.

 

Skema Liga MCB Promé Divishon buèlta di 6 pa e wikènt aki;

 

Djabièrnè 11 mei 18    20.00 Jong Holland vs Inter Willemstad SDK
Djasabra 12 mei 18    20.00 Vesta vs Scherpenheuvel SDK

 

Un yamada ta bai na hinter e pueblo di Kòrsou pa asistí na e tremendo partidonan di Liga MCB Promé Divishon buèlta di 6. Bin pasa un ratu ameno den kompania di bo famia i disfrutá di bo deporte preferí, deporte rei futbòl!

MCB i FFK ta warda bo!

Advertisements