Desaroyonan nobo relashoná ku búskeda di un partner stratégiko pa operá nos refineria despues ku e kontrato aktual vense na final di 2019 i posishon di e kadena energétiko pa ku eventual skarsedat di entrega di petroli


Na:      Presidente di Parlamento

Sr. W. Millerson                                               URGENTE

Wilhelminaplein # 4

PRESENTE

 

Tópiko: Petishon pa un reunion di komishon sentral konforme artíkulo 33 di

 Reglamentu di Orden ku komo punto di agènda, desaroyonan nobo

 relashoná ku búskeda di un partner stratégiko pa operá nos Refineria

 despues ku e kontrato aktual vense na final di 2019 i posishon di e kadena

 energétiko pa ku eventual skarsedat di entrega di petroli.

 

Kòrsou, 11 di mei 2018

 

Apresiabel Sr. Millerson,

 

Mirando ku tin desaroyonan nobo relashoná ku e trayekto pa yega na un operador nobo pa nos refineria despues ku e kontrato aktual vense na final di 2019. Frakshon di MFK ta kere ku ta na su lugá pa pueblo di Kòrsou por ta na altura di e desaroyonan nobo aki.

 

Komo representante di pueblo ta deber di frakshon di MFK pa vigilá e proseso importante aki di serka. Den un reunion di komishon sentral pueblo di Kòrsou por sigui esaki via di transmishon radial pa nan por ta informá.

 

Durante di último siman nan nos por a tuma nota di siguiente desaroyonan nobo den e trayekto aki;

 

  • Eskoho di un kompania ku lo bai buska un partner nobo
  • Eliminashon di MDPT
  • Embargo pone dor di ConocoPhillips riba PDVSA

Pa e motibunan ariba menshoná nos ta pidi un reunion di urgensia ku e tópiko;

 

Desaroyonan nobo relashoná ku búskeda di un partner stratégiko pa operá nos refineria despues ku e kontrato aktual vense na final di 2019 i posishon di e kadena energétiko pa ku eventual skarsedat di entrega di petroli.

 

Nos kier pidi presidente di Parlamento pa invitá Minister Presidènt Eugene Rhuggenaath, ku ta enkargá ku e kartera di Asuntunan General i Minister Steven Martina enkargá ku e kartera di Ekonomia bou di kual e kadena energétiko ta resorta, pa bin duna tur detaye di kiko a wòrdu hasi den e último lunanan i kiko por spera pa futuro.

 

Na nòmber di frakshon di MFK,

 

 

_________________                          ________________

Gilmar Pisas                                          Gilbert Doran

 

 

_________________                          ________________

Jacinta Constancia                                Charles Cooper

 

Advertisements