KOMUNIKADO DI KUERPO POLISIAL KÒRSOU Tiramentu ku herido.


KOMUNIKADO DI KUERPO POLISIAL KÒRSOU
200 / 2018
13 mei 2018

Tiramentu ku herido.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 12 di mei 2018, alrededor di 02.30 or di marduga, Sentral di Polis a risibí notifikashon ku un persona heridá a yega poli di SEHOS pa tratamentu.
Na poli polis a haña un dama víktima di 20 aña di edat ku un herida di bala na su lomba.
For di un investigashon preliminar ku polis a realisá na poli e dama víktima a deklará ku e tabata den outo huntu ku su amigu i e shofùr di e outo bayendo Banda Bou. Riba Weg naar Westpunt na altura di landhuis Daniel e shofùr a para e outo i e dama a baha for di e outo.
Na momentu ku nan tabata para einan un outo a pasa i persona(nan) den e outo a los tiru dirigí riba nan ku e resultado ariba menshioná.
Despues di tratamentu e víktima a keda interná den St. Elisabeth Hospital.
E motibu di e tiroteo aki ta den investigashon.

Advertisements