KOMUNIKADO DI KUERPO POLISIAL KÒRSOU Un detenshon pa maltrato relashonal.

KOMUNIKADO DI KUERPO POLISIAL KÒRSOU
202 / 2018
13 mei 2018

Un detenshon pa maltrato relashonal.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djasabra 12 di mei 2018, alrededor di 23.28 or, Sentral di Polis a dirigí un patruya na un kas den área di Sabana Craz pa un kaso di maltrato relashonal.
Na yegada di e patruya na e sitio polis a topa ku un dama ku su kara hinchá.
For di un investigashon preliminar ku polis a realisá na e sitio, e dama víktima a deklará na polis ku su kasá a bin na e kas ariba menshioná, maltrat’é i menase.
En konekshon ku e maltrato i menasa aki polis a detené e kasá, e hòmber sospechoso E.C. nasé na Kòrsou di 45 aña di edat pa maltrato relashonal.
A presentá e sospechoso dilanti di un Fiskal Ouksiliar ku a ordená su enkarselashon pendiente mas investigashon.