Plantashon i mantenshon di Palma aki na Kòrsou.


Plantashon i mantenshon di Palma aki na Kòrsou.

Di informashon ku mi ta dispone di dje ta ku a kuminsá laga planta palma nobo riba e kaminda di Helmin Wiels BLVD. Ya pa hopi aña kaba mi a bin ta tuma nota ku gobièrnu ta kumprando palmanan karu for di eksterior, ku ta kosta hopi plaka pa planta kantu di kaminda. Na mas ku un okashon nos a bin ta tuma nota ku e palma nan aki NO ta sobrebibí muchu tempu i kasi tur ta muri. Aparentemente ma komprondé ku nan no ta pas den nos klima, pero tòg ta sigui kumpra nan. No tin un plan di mantenshon struktura tampoko, miéntras tantu ta sigui kosta plaka siendo ku na mi opinion nos por invertí e sèn den nos palunan lokal ku si por ku nos klima pa asina nos tin areanan nechi i bèrdè. Den pasado ya nos a manda un karta kaba riba e asuntu di Klein hofje pa ku sosten pa esakinan, Relashona ku esaki Parlamentario pa frakshon di MAN sr Eugène Cleopa a hasi e siguiente preguntanan na Minister di VVRP;

Ta bèrdat ku e palmanan no ta adekuá pa nos klima?

  1. Kuantu e palma nan aki a kosta?
  2. Kuantu a pone originalmente den pasado?
  3. Kuantu palma a malogra i i kiko ta e motibu?
  4. Kuantu ta bai remplasá i kuantu ta e gastunan envolví i pa ki tempu esaki lo sosodé?
  5. Ki garantia tin ku e palmanan lo keda mantené na bida despues ku planta nan?
  6. Kua ministerio/servisio ta enkargá ku mantenshon i kuantu ta kosta pa aña?
  7. Kiko ta e plan di mantenshon ku gobièrnu pa ku mantenshon di e palmanan?
  8. Ku ki sekuensia lo bai mantené esaki nan?
  9. Kon leu nos kunukero nan lokal por kontribuí den plantashon di matanan kantu di nos kareteranan?

Tambe mi ta deseá di haña un konseho eksterno pa sa kon e plantashon di palma por sobrebibí den nos klima i tambe kiko ta e struktura di mantenshon pa e palma nan?

IMG_9759

Advertisements