Pronóstiko di tempu pa Kòrsou i bisindario bálido te djadumingu mainta 6:00 o.l, 16 di sèptèmber 2018.


Pronóstiko

Pronóstiko di tempu pa Kòrsou i bisindario bálido te djadumingu mainta 6:00 o.l, 16 di sèptèmber 2018.
Kompilá: 
djasabra 15 di sèptèmber 2018, 05:00 o.l. (09:00 UTC)

Tempu: Shelu ta parsialmente te hopi nublá i tin posibilidat pa awa kai lokalmente tantu awe komo mayan djadumingu. Tin chèns pa welek i bos.

Temperatura máksimo lo alkansá 34 ºC i temperatura mínimo 25 ºC.
Solo ta sali 06:25 i ta baha 18:37 o.l.

Bientu: For di un direkshon prinsipalmente entre sùitost i sùit i generalmente suak; forsa 1 te 2 (1 te 11 km/ora, 1 te 6 nudo). Debesenkuando den ráfaga; forsa 3 (12 te 19 km/ora, 7 te 10 nudo). Temporalmente e por bira di direkshonnan variabel òf kalmu.

Situashon general: Nubianan ku lo oumentá periódikamente durante e fin di siman, lo laga awa kai riba partinan di Kòrsou. E fluho di bientu lo keda un poko suak awe, miéntras sobrá di Tormenta Tropikal Isaac ta sigui move den direkshon wèst, pa asina awe tardi alehá su mes di nos área. Ta antisipá tambe ku e fluho di bientu lo oumentá gradualmente un bes mas riba djadumingu i kuminsamentu di otro siman.

Kondishon di laman: Por lo general trankil ku altura di ola di ménos ku 1 meter  (ménos ku 3 pia).

Sistemanan signifikante di wer tropikal: Orkan Florence a suak i bira un tormenta tropikal despues di djabièrnè mainta ku esaki a subi tera na e kostanan di Carolina, den ost Estádos Unídos. Tormenta Tropikal Hélène lo okashoná bientunan fuerte riba e islanan den Azores durante e fin di siman. Tormenta Tropikal Joyce ta sigui riba e laman habrí di Atlantiko sin muchu kambio den forsa. Tormenta Tropikal Isaac a suak i bira un ola tropikal den mardugá ku a pasa. Sentro Nashonal di Orkan a emití un último boletin riba e siklon aki. Ningun di e sistemanan tropikal ta un menasa pa Kòrsou.

Fenómeno spesial: Ningun.

Pèrspektiva te djaluna mainta: Por lo general parsialmente nublá i sin aktividat di áwaseru signifikante.

Meteorólogo: Coffie

E próksimo boletin di tempu lo wòrdu publiká djasabra 11:00 o.l. (15:00 UTC).

Advertisements