KOMUNIKADO DI KUERPO POLISIAL KÒRSOU Maltrato ku arma i un detenshon.


KOMUNIKADO DI KUERPO POLISIAL KÒRSOU

382 / 2018

15 sèptèmber 2018

Maltrato ku arma i un detenshon.

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Djasabra 15 di sèptèmber alrededor di 04.00’or Sentral di Polis a dirigí un unidat pa Yukonweg, unda lo mester tabatin un kaso di maltrato ku arma.
For di investigashon ku polis a realisá na e sitio a sali na kla, ku dos ruman hòmber tabatin problema ku otro i dado momentu esun di inisialnan J.C. di 70 aña di edat nase na Kòrsou lo mester a maltratá su ruman A.C. ku un pipa na su kabes i na su pianan.
E víktima a risibí diferente leshon na su kabes i a keda transportá pa poliklínika di SeHos pa mas tratamentu médiko.
Na e sitio polis a detené e sospechoso J.C. i a present’é dilanti di un fiskal ouksiliar ku a ordená su enkarselamentu pendiente di mas investigashon.

logo-polis-

Advertisements