Gobierno di Aruba a firma e presupuesto 2019 !


Den retonan grandi, union ta haci nos fuerte. Esaki ta loke Gabinete Wever-Croes a demostra tambe desde cu a cuminsa goberna pais Aruba desde november aña pasa. Gobierno di Aruba a hay’e confronta cu hopi retonan desde inicio di gobernacion. Retonan social, retonan economico y retonan financierno grandi. Sinembargo no a laga esakinan stroba gobernaion pero cu union y determinacion a traha pa yega na solucionnan pa cada reto.
Den apenas algun luna di gobernacion, Gabinete Wever-Croes a prepara 3 presupuesto: Presupuesto Supletorio 2017, Presupuesto 2018 y Presupuesto 2019. Nos a logra baha e deficit cu nos a hereda den 2017 di 155 miyon te na 25 miyon pa 2019. Cu esaki nos a cumpli cu palabracionnan haci y cu nos compromiso cu e pueblo di Aruba.
“Apesar di tur e retonan di nos pais, Gabinete Wever-Croes ta trece solucion pa evita cu esakinan bira problema. E situacion ta sigui dificil, pero nos ta riba e bon caminda. Nos ta traha na bienestar y progreso pa Aruba”, Prome Minister Evelyn Wever-Croes a expresa.

42111765_244517049579803_6459519358782668800_n

Advertisements