Bill Gates a wòrdu invitá na un skol di enseñansa sekundario pa un konferensia.


Bill Gates a wòrdu invitá na un skol di enseñansa sekundario pa un konferensia. El a yega ku helikòpter, saka un papel ku riba dje el a skibi diesun punto for di saku. El a lesa tur e puntonan den menos ku 5 minüt, risibí un aplouso di mas ku 10 minüt sin stòp, el a yama danki i a bai su helikòpter. Lokual tabata tin skibí riba e papel ta hopi intresante:

1. Bida no ta fasil, kustumbrá ku esey.

2. Mundu no ta preokupá su mes ku abo su amor propio. Mundu ta spera ku bo ta hasi algu útil p’e promé ku bo por sinti bo bon ku bo mes.

3. Lo bo no kobra 3.000 dòler pa luna na momentu ku bo kaba skol òf universidat. Lo bo no ta vicepresidente di un kompania ku auto i telefon na bo disposishon. Bo mester sa di yega eynan riba bo mes forsa.

4. Si bo ta pensa ku bo dosente ta fèrfelu, warda te dia ku bo tin un chèf. E lo no tene duele di bo.

5. Si bo ta pensa ku bendementu di kòrant òf traha durante di dianan liber no ta kuadra ku bo ekspektativanan òf bo ta nenga di hasi esaki. Kere mi ku bo grandinan tin algu otro di bisa bo i nan ta yam’e “oportunidat”..

6. Si bo faya, no ta falta di bo mayornan. No arepentí di bo fayonan, siña di nan.

7. Promé ku bo a nase, bo mayornan no tabata kritiko manera awor. Wak kon nan ta paga nan resibunan, laba bo pañanan i nan tin ku tende bo bisa ku nan ta “hasi ko’i kèns” òf “chapo”. Pues promé ku salba e planeta pa e proksimo generashon, trata na drecha bo mes kamber.

8. Na bo skol kisas nan a eliminá e parti di keda sinta, di tal manera ku bo por tin hopi mas oportunidat pa bo logra, pero bida no ta asina. Esaki no ta nada di kompará ku bida real. Si bo kometé un fayo na trabou, ta kita bo for di trabou… bo tin ku bai kas!!! Lo bo no tin mas oportunidat!!!

9. Bida no por keda repartí den periodonan. Lo bo no tin semper fakansi di un luna i ta poko probabel ku otro koleganan o kompañeronan di trabou ta yuda bo kaba ku bo tareanan na fin di kada periodo.

10. Televishon no ta bida real. Den bida real e hendenan tin ku laga nan komodidat i sali bai traha.

11. Sea original, no kopia ni kritika bo kompañeronan ku ta hasi un esfierso. Tin gran probabilidat ku abo lo bai ta traha pa un di nan despues.

FB_IMG_1545999974884

Advertisements