Ta di lamentá e informashon tendensioso ku a sali awe den un matutino, kaminda ta insinuá ku a deskubrí un manual di “Drone” den un konosido detenido su sél, ku ta konfirmá ku ta den Gerrit Schotte su sel, mirando ku dia di Razia ela puntra bewakernan dikon a bai ku e rapòrt di PwC fe su sel.


Komunikado di prensa na nòmber di Gerrit Schotte

Ta di lamentá e informashon tendensioso ku a sali awe den un matutino, kaminda ta insinuá ku a deskubrí un manual di “Drone” den un konosido detenido su sél, ku ta konfirmá ku ta den Gerrit Schotte su sel, mirando ku dia di Razia ela puntra bewakernan dikon a bai ku e rapòrt di PwC fe su sel.

Ta mas ku opvio ku Militarnan Hulandes, ku a drenta sel di Schotte riba djadumingu di karnaval grandi un biaha mas ta hasi mal uso di nan outoridat i ta saka informashon inkorekto manda pa prensa i alabes informá ku a kuminsá ku un supuesto investigashon riba Gerrit Schotte. Debí ku a haña un rapòrt ku Gerrit tabata lesa di Price Water House Cooper di Bèlgika i Agoria riba kon den ocho (8) industria, gobiernu di Bèlgika por hasi uso di Drone nan komersial pa por hasi nan ekonomia mas grandi i traha di un forma mas efisiente komo gobièrnu.

Esaki ta un link na e rapòrt pa asina por tuma nota ku ta un impreshon eróneo ta wòrdu krea, (https://www.pwc.be/en/documents/20180801-drones-eye-view-v2.pdf).

E dokumento aki ta un dokumento ku Gerrit Schotte tabata lesa for di desèmber 2018 i tabata huntu ku tur su bukinan i dokumentonan ku e ta lesa riba su dianan largu den Prizòn SDKK.

Manera tur hende sa kaba, den Prizòn ningun di e 450 detenidonan no tin niun klase di programa pa dia pa resosialisashon òf pa ehersé kualkier fishi i ta nan mes tin ku yena nan dianan ku nan tin ku pasa den SDKK.

Schotte tin mas di 3 luna enkarselá, despues di ta bringando un kaso ku a start di forma dudoso dor di e fiskal hulandes europeo Anton van der Schans den e tempu ei Abogado General na Ministerio Públiko pa12 aña.

E fiskal aki na desèmber di 2012 a bula bai serka e Fiskal Italiano señor Pelikano i despues van der Schans a deklará na febrüari 2014 ku Fiskal Pelikano a mand’e un e-mail mediano di aña 2012 pa van der Schans bai serka dje debí ku Pelicano lo tabata tin kosnan interesante pe riba Gerrit Schotte i su pareha.

Awe sera den Prisòn na Kòrsou, Schotte ketu bai ta bou di atake. Hasta será den SDKK e maltrato kontra Schotte ta kontinuá i awor ta militarnan hulandes ta tene razia den Schotte su sel na SDKK.  Ta violá Gerrit Schotte su derechi di haña bishita di trabou, ta violá su derechi di haña bishita di su pastor di su eskoho i awor ta violá su privasidat tambe.

Gerrit sera den SDKK su mente i su interes ta drei ketu bai pa buska solushonnan kon pa hasi un pais mas efektivo den 8 industria pa medio di teknologia moderno i esaki ta loke ta skirbi komo resultado den e rapòrt hasi dor di PwC Belgium i Agoria riba Bèlgika i kon nan lo por implementá e resultado aki pa e ekonomia kue un rumbo inovativo i ku tin un impakto positivo pa  nan pais i nan pueblo.

Gabinete Rhuggenaath a introdusí “Militaire Inzet” dor di duna e militar nan aki awor outorisashon pa tene razianan den prisòn i ku esaki awe pueblo por tuma nota ku e informashon ku nan a slep na un matutino a bira konosí kua ta nan ophetivo. Esta pa engañá i krea un tendensia eróneo i robes ku a haña un manual di drone den sél di Gerrit Schotte.

Nos ta invitá bo pa lesa e rapòrt i komprondé dikon Schotte ta keda semper un hòmber ku ideanan inovativo i “Out òf the Box”, pensando semper kon pa mehora Kòrsou den tur sentido di palabra.

Na nòmber di Gerrit Schotte,

Mr. L.G. Da Costa Gomez

 

 

20180801-drones-eye-view-v2IMG-20190315-WA0020IMG-20190315-WA0021IMG-20190315-WA0022IMG-20190315-WA0023IMG-20190315-WA0024IMG-20190315-WA0025

Advertisements