Minister Armando Rudy Lampe: MINISTER ARMANDO RUDY LAMPE A BISHITA COLEGIO FELIPE B. TROMP Y AGNES KLEUTERSCHOOL


Minister Armando Rudy Lampe:

MINISTER ARMANDO RUDY LAMPE A BISHITA COLEGIO FELIPE B. TROMP Y AGNES KLEUTERSCHOOL

Diabierna 15 maart, Minister Armando Rudy lampe a pasa bishita dos scol situa na Noord, esta scol basico Colegio Felipe B. Tromp y Agnes Kleuterschool. E tabata un bishita di cortesia y alabes Minister Lampe por a comparti un rato cu e celebracion di 18 maart, na unda cu na tur 2 scol, Minister Lampe por a presencia e canto di Himno y Bandera.

Minister Lampe a hiba palabra y a duna un bunita mensahe pa cu e celebracion bisando cu nos mester recorda y celebra cu nos ta un famia y cu nos famia completo yama Aruba. E celebracion di dia 18 maart cu ta pa conmemora nos Himno y Bandera, mester trece mas union den famia Aruba.

Na final Minister Lampe a desea tur esnan presente feliz dianan di fiesta y pa nos sigui cu e bon trabow pa demostra respet y orguyo pa nos Himno y Bandera.

123456789101112131415161718

Advertisements